ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

ԱՍՏԾՈ ԿԱՄՔՈՎ ՏԱՐԻՆԵՐ ՇԱՐՈՒՆԱԿ ՇԵՆԱՑՐԵԼ ԵՄ ԻՄ ՀԱՐԱԶԱՏ ՔԱՂԱՔԸ, ԿԱՌՈՒՑԵԼ ԵՄ ԻՄ ՀԱՄԱՅՆՔԸ, ՀԻՄԱ ԻՄ ՀԵՐԹՆ Է ԱՍՏԾՈ ՏՈՒՆԸ ԿԱՌՈՒՑԵԼՈՒ:

ՆՈՐԱՅՐ ՄԱՐՏԻՐՈՍՅԱՆ

«ԿԱՐԳԻՆ ՏՈՒՆ» շինարարական կազմակերպության ղեկավարությունը ի դեմս Նորայր Մարտիրոսյանի, մեծ ուրախությամբ հանձն է առել Արագածոտնի մարզի Հարթավան համայնքի Աստվածընկալ վանական համալիրի Սուրբ Նշան եկեղեցու տանիքի և գավթի վերականգնման աշխատանքները:

Անկախ այն փաստից, որ հուշագրի ստորագրումը պետության և մասնավոր ոլորտի համագործակցության հիանալի օրինակ է՝ ի շահ մշակութային ժառանգության, այն նաև լքված վայրերում քաղաքակրթության ստեղծման լավագույն առիթ է:

Ինչպես նշում է Ն. Մարտիրոսյանը. «Շատ կարևոր է նաև լքված բնակավայրերում կանգուն պահել հոգևոր կենտրոնների գործունեությունը, քանի որ եկեղեցասեր ու ազգասեր ժողովուրդը նման ոգով պետք է շարունակի իր ընթացքը՝ բարի գործերով զարդարելով մշակութային, կրոնական և համայնքային կյանքը, այդպիսով տոգորված նման նախաձեռնություններով՝ օրինակ ծառայել նաև յուրաքանչյուր օրինավոր քաղաքացու, երիտասարդի, ով կկարողանա իր օգտակարությունը ցուցաբերել իր երկրին»:

Նախատեսվում է, որ Սուրբ Նշան եկեղեցու վերականգնման աշխատանքները կտևեն 3 տարի:

03.09.2020

https://escs.am/am/news/7045?fbclid=IwAR3muLcc_jWwDmPSVGnullPS1pmTlpAzkt6UpGA72sizQoWvN13rgDjZnfg